Rusiya ilə Azərbaycan arasında əməkdaşlıq müxtəlif sahələrdə və istiqamətlərdə inkişaf edir, bu əməkdaşlığın parlament istiqaməti çox mühüm əhəmiyyət daşıyır. Trend-in məlumatına görə, bu barədə Rusiyanın Federasiya Şurasının sədri Valentina Matviyenko Bakıda bəyan edib.

Azərbaycan və Rusiya arasında cümə axşamı Moskvada imzalanacaq diplomatik mülkiyyət haqqında saziş 2012-ci ildə iki ölkə arasında hüquq-müqavilə bazasının gələcək inkişafı üçün yaxşı debüt olacaq. Bu barədə Rusiyanın Azərbaycandakı ticarət nümayəndəsi Yuri Şedrin deyib.

"Bu, Rusiya və Azərbaycanın diplomatik nümayəndəliklərinin yerləşdiyi mülkiyyətlərin təhvil verilməsini nəzərdə tutan çox ciddi sazişdir və güman edirəm ki, bu, il ərzində iki ölkə arasında imzalanacaq birinci və sonuncu saziş deyil", - Şedrin bildirib.

Saziş Azərbaycanın xarici işlər naziri Elmar Məmmədyarovun Moskvaya səfəri çərçivəsində imzalanacaq.

Yaxın vaxtlarda nəqliyyat vasitələrinin dövlət qeydiyyatına alınması, o cümlədən qeydiyyat şəhadətnaməsinin və dövlət qeydiyyat nişanlarının verilməsi ilə bağlı sənədlərin qəbulunun, sürücülük vəsiqələrinin verilməsi ilə bağlı sənədlərin qəbulunun nəqliyyat vasitələrinə texniki baxışın keçirilməsi ilə əlaqədar sənədlərin qəbulunun, dövlət rüsumlarının ödənilməsinin elektron xidmət kimi göstərilməsinə başlanılacaq.

Trend-in məlumatına görə, bunu Daxili İşlər Nazirliyi Baş Dövlət Yol Polisi İdarəsinin rəisi, general-mayor Ramiz Zeynalov "Respublika" qəzetinə müsahibəsində DYP-da "elektron hökumət"in tətbiqi ilə bağlı sualı cavablandırarkən bildirib.

Rusiya ilə Azərbaycan arasında strateji tərəfdaşlıq beynəlxalq ictimaiyyət üçün Qafqaz kimi mürəkkəb və mühüm regionda sabitliyin qarantıdır. Bu barədə cümə axşamı Bakıda jurnalistlərə Rusiya Prezidenti İdarəsinin regionlararası və xarici ölkələrlə mədəni əlaqələr üzrə rəisi Sergey Vinokurov deyib.

Onun sözlərinə görə, Qafqaz regionunda çox şeyin asılı olduğu Rusiya-Azərbaycan münasibətləri hərtərəflidir, onlar tarixi köklərə və ölkələrin yaxınlığına əsaslanır.

Vinokurov Avrasiya Tədqiqatlar İnstitutunun təşkil etdiyi "Parlamentin vətəndaş cəmiyyətinin inkişafında rolu" mövzusunda iclasın "dəyirimi masa" formatında iştirak edir.

"Bu, strateji tərəfdaşlığın həqiqi münasibətləridir. Biz, yaxşı mənada, indi bir-birindən asılı ölkələr kimiyik. Bu bir-birindən asılılıq münasibətlərimizin strateji, tərəfdaşlıq xarakterini bir daha qeyd edir", - Vinokurov qeyd edib.

Onun sözlərinə görə, əməkdaşlığı yalnız bir qədər dinamik getməyən istiqamətlərdə dərinləşdirmək lazımdır.

"İki ölkə prezidentləri mal dövriyyəsinin 2 milyardı ötməsi üçün qarşıya vəzifə qoyublar və buna səy göstərmək lazımdır; belə ki, ticari-iqtisadi əməkdaşlıqda ehtiyatlar var və bu ehtiyatları cəlb etmək lazımdır", - Rusiya Prezidenti İdarəsinin rəisi qeyd edib.

O vurğulayıb ki, Azərbaycanda Rusiya biznesi çoxlu yeni iş yerləri yaratmaqla, özünü "yaxşı hiss edir".

Azərbaycanda vergi qanunvericiliyinə yenidən baxılacaq. Trend-in məlumatına görə, bu barədə ölkənin vergilər naziri Fazil Məmmədov 09.02.2012 Bakıda keçirilən "Azərbaycanın vergi sistemi: reallıqlar və perspektivlər" adlı forumda çıxışı zamanı bildirib.

Azərbaycan Milli Məclisinin keçirilən iclasında Vergi Məcəlləsinə dəyişiklik edilib.

Trend-in məlumatına görə, dəyişikliyi təqdim edən Milli Məclisin Hüquq siyasəti və dövlət quruculuğu komitəsinin sədri Əli Hüseynli bildirib ki, dəyişiklik xüsusi, özəl notariuslarla bağlıdır.

Prezident İlham Əliyev "Avtomobil nəqliyyatı haqqında" Azərbaycan Respublikasının Qanununa əlavə və dəyişiklik edilməsi haqqında Qanuna edilən dəyişiklikləri təsdiq edib. Məlumatı AzərTAc Dövlət İnformasiya Agentliyi yayıb.

"Avtomobil nəqliyyatı haqqında" Azərbaycan Respublikası Qanununun (Azərbaycan Respublikasının Qanunvericilik Toplusu, 2008-ci il, №7, maddə 599; 2010-cu il, №4, maddə 276) 27-ci maddəsinə aşağıdakı əlavə və dəyişiklik edilsin:

1. 27.1-ci maddədə "yaşı 21-dən" sözlərindən sonra ", "DE" kateqoriyası üzrə nəqliyyat vasitələrini idarə etmək hüququnu təsdiq edən sürücülük vəsiqəsi olan, yaşı 24-dən" sözləri əlavə edilsin;

2. 27.2-ci maddədə "B" kateqoriyası" sözləri "B" və ya "BE" kateqoriyaları" sözləri ilə əvəz edilsin.

Azərbaycan Prezidenti «Azərbaycan Respublikasına gələn əcnəbilərə və vətəndaşlığı olmayan şəxslərə vizaların rəsmiləşdirilməsi ilə bağlı bəzi məsələlər haqqında» Azərbaycan Respublikası Prezidentinin 2010-cu il 13 sentyabr tarixli 326 nömrəli Fərmanına əlavə etmək barədə Fərman imzalamışdır, - bu barədə AzərTAc Dövlət Agentliyi məlumat verir. 

2011-ci ilin yanvarında Azərbaycan və Türkiyənin ikitərəfli qaydada viza rejiminin ləğvi barədə saziş imzalayacağı gözlənilir. Bu barədə çərşənbə günü Türkiyənin "Axşam" qəzeti yazır.

Azərbaycan və Avropa İttifaqı (Aİ) arasında münasibətlərin dərinləşməsi müstəsna əhəmiyyət kəsb edir. Trend-in məlumatına görə, bu barədə Aİ-nin xarici işlər və siyasi təhlükəsizlik üzrə ali nümayəndəsi Ketrin Eşton Bakıda keçirilən mətbuat konfransında deyib.

"Bu əməkdaşlıq tərəflərin maraqlarına uyğun gəlməlidir", - xanım Eşton bildirib.